عن البنت

621

بقلم : بولا وجيه


عن البنت

و البنت ساعات بتعشق
الوحدة و يمكن بزيادة
من كتر ما شافت من الدنيا
اتمنت تبقي حياتها سادة
من غير صحاب اندال
او حتي يكون في حبيب
اصل كام مرة اتمنته
و اتقالها مفيش نصيب
البنت يا سادة كائن
ضحكتها بسهولة و بساطة
بتكمل في وردة
او حتي باكو شيكولاتة
حاول تبسطها دايماً
و على قد ما تقدر
البنت كل ماتديها
بتديك حب اكتر
خليك ليها دايماً
سند وضهر و حضن
تجري عليك انت
وقت ما يغلبها الحزن
البنت لو بالك
مشغول متعكر
بسهولة تحولهولك
لسكر ..
تزرع فيها حبك
تجني حبها فرح
و اوعاك في يوم
تفكر تزرع جرح
جرح البنات في الغالب
عمره ما يوفيه شرح
فرحها علي قد ..
مايكون في امكانك
هتلاقي عنوانها
بقي هو مكانك
البنت لو فكرت
هتلاقي بالساهل
انك تكسبها
بس لو انت تستاهل

 
للمتابعة على الفيس بوك : www.facebook.com/PaulaWagihofficial

شارك برأيك