حب صحي
حب صحي بقلم مايسة كمال ... عن الإختلافات بين الزوجين بتتكلم دكتورة مايسة كمال في مقال بعنوان"مش فاهمين بعض...عكس عكاس":- - في الحوار( الاختصار عند الراجل والفضفضة عند الأنثى). الزوجة غالبًا بتحب تحكي التفاصيل؛لإن عندها معنى بيقول إن اللي بيهتم بتفاصيلي يبقى بيحبني. الراجل عنده اختصار في الكلام عنها، ويظل السؤال طب ليه أيام الخطوبة كان بيتكلم أكتر؟ أولًا: لأن الحياة عند الراجل مراحل ومرحلة الخطوبة كان محتاج يبني العلاقة ويضمن وجودها، فكان أفضل حاجة يقدر يقدمها هي الكلام، أما بعد الزواج بيبقى شايف إنه عايز يبني في جزء تاني يبني المستقبل المادي للعلاقة دي له ولأسرته حياته خطوات انتهى من خطوة بيشوف الخطوة اللي بعدها عكس الزوجة. الحل إن الزوج يسمعها من وقت للتاني، والزوجة لما تحكي حاجة تقول أهم نقاط في الموضوع مش تفاصيل التفاصيل؛ لأنه غير الأنثى بيمل، إحكي أهم نقاط في الموضوع وبعدين لو فيه وقت نبقى نحكي باقي التفاصيل. (في الحوار مع من تحب ومع من يكره) الراجل يقدر يتعامل ويتكلم مع اللي يحبهم أو حتى اللي يكرهم عشان يقدر يتعامل بشكل كويس في شغله؛ لأنه في شغله بيقابل كل الأشخاص منهم اللي متفق معاهم ومنهم اللي مختلف، حتى يقدر يتعامل ولو بشكل سطحي، لكن الأنثى أغلب الوقت بتفضل تتعامل مع اللي بتحبهم فقط، عشان كده لو هي مفيش بينها وبين أخت الزوج توافق، الزوج مينفعش ينكرعليها مشاعرها، حقك تطلب منها تحترم أهلك وكمان تتجنب زعلهم، وحقها لما ماتحسش براحة مع حد ما تجبرهاش تقعد بالساعات معاهم،الأنثى لو مش بتحب الشخص مش هتعرف تتعامل وهتتفاعل المشاكل،(وليس الذكر كالأنثى).
